पोखरा । श्रीकृष्ण युवा क्लब, पोखरा-९, कृष्णटोलले उद्घोषणसम्बन्धी एकदिने तालिम सम्पन्न गरेको छ ।
‘सामाजिक सेवामा युवाको समर्पण’ भन्ने उद्देश्यका साथ स्थापित क्लबले आयोजना
गरेको तालिममा अनुपम म्युजिकका प्रबन्ध निर्देशक अनुराग अधिकारीले सहजीकरण गरेका
थिए । तालिममा ४७ जनाको सहभागिता रहेको थियो ।
वडा नम्बर ९ का कार्यवाहक वडा अध्यक्ष नन्दराम गिरीले सहभागीलाई प्रमाणपत्र
वितरण गरेका थिए । उनले तालिमले बोल्ने कलामा निखार ल्याउनुका साथै आत्मविश्वास
बलियो बनाउने धारणा राखे ।
विशेष अतिथि राष्ट्रिय भूमि अधिकार मञ्च, कास्किका अध्यक्ष प्रेम बहादु
गुरुङले तालिमबाट प्राप्त ज्ञानलाई व्यवहारमा उतार्न सुझाव दिए । क्लबका अध्यक्ष कृष्ण
वि. क. को अध्यक्षतामा भएको कार्यक्रम सञ्चालन क्लबका सचिव युवराज गुरुङले गरेका
थिए ।
Post a Comment