एसइईको तयारीमा रहेका विद्यार्थीलाई बिदाइ तथा शुभकामना कार्यक्रम

 

पोखरा, फागुन ९ गते । पोखरा-३३, आँपभुन्ज्याङस्थित कालिका माविबाट यस वर्षको एसइई परीक्षामा सहभागी हुने तयारीमा रहेका विद्यार्थीलाई शुक्रवार बिदाइ तथा शुभकामना कार्यक्रम सम्पन्न भएको छ ।

कक्षा ९ द्वारा आयोजित कार्यक्रममा विद्यालय प्रधानाध्यापक रुपिन्द्र प्रभावीले कालिका माविको शैक्षिक प्रतिष्ठालाई अझ उकास्न विद्यार्थीहरूलाई सुझाव दिए । कक्षा ९ की छात्रा आस्मा तामाङको अध्यक्षतामा भएको कार्यक्रममा कक्षा १० की प्रमिशा बानियाले आफूहरूले सकेसम्म उत्कृष्ट नतिजा ल्याउने प्रतिबद्धता व्यक्त गरिन् । कक्षा ९ की छात्रा सुनीता केसीको सञ्चालनमा भएको कार्यक्रममा सफला सुनारले स्वागत तथा शुभकामना मन्तव्य दिएको थिइन् । विद्यालय व्यवस्थाप समितिकी शिक्षक प्रतिनिधि शान्तादेवी घिमिरेले विद्यार्थीहरूलाई अबिर लगाएर बिदाइ र शुभकामना दिएको थिइन् । कार्यक्रममा कक्षा ९ का तर्फबाट कक्षा १० का विद्यार्थीहरूको सम्मानमा मायाको चिनोसहित सांस्कृतिक कार्यक्रम प्रस्तुत गरिएको थियो ।