काठमाडौँ
। नेपाल राष्ट्र बैङ्कले मार्च १७ देखि २३ तारिखसम्म ग्लोबल
मनी विक मनाउने आह्वान गरेबमोजिमको महिला लघुवित्तले सप्ताहव्यापी कार्यक्रमअन्तर्गत
रही मङ्गलवार दोस्रो दिनको कार्यक्रम जुम्ला जिल्लाका हिमा गाउँपालिका ४ मा रहेको
कालिका माविमा विद्यालयका शिक्षक, गाउँपालिका प्रतिनिधि,
विद्यार्थी तथा स्थानीय युवाहरू १०४ जनाका सहभागितामा युवा तथा बालबालिकामा
वित्तीय सचेतना र विद्यालयलाई शैक्षिक सामग्री वितरण कार्यक्रम सम्पन्न गरेको छ ।
कार्यक्रममा कर्णाली प्रदेशका प्रदेश प्रमुख प्रकाशबहादुर
चन्द र हिमा शाखा कार्यालयका शाखा प्रमुख गोविन्द पौडेललगायतले वित्तीय सचेतनाको
महत्त्वबारे प्रकाश पारेका थिए ।
महिला लघुवित्त वित्तीय संस्थाका नेपालका ३८
जिल्लामा ७७ शाखा सञ्चालनमा रहेको केन्द्रीय कार्यालयकी सामान्य सेवा विभागकी
प्रमुख ममिला पौडेलले जानकारी दिइन् ।
सोही अवसरमा संस्थाका तर्फबाट कर्णाली प्रदेश
प्रमुख प्रकाशबहादुर चन्दले विद्यालयका सहायक प्रधानाध्यापक पर्वलाल जैसीलाई स्टेशनरी तथा खेलकुद सामग्री हस्तान्तरण गरेका
थिए ।
